ភ្នំពេញ — កាលពីវេលាថ្ងៃត្រង់ ថ្ងៃទី២៦ ខែកក្កដា ឆ្នាំ២០២១នេះ បុរសម្នាក់ដែលគេស្គាល់ថា ឈ្មោះ អេង អូន ជាមន្រ្តីយោធានៅទ័ពអាកាសកងកេងខេត្តព្រះសីហនុ និងជាប្រធានក្រុមហ៊ុនអភិវឌ្ឍន៍ភ្នំថ្កូវ ត្រូវបានសមត្ថកិច្ចធ្វើការចាប់ខ្លួននៅខាងមុខផ្សារទំនើបស៊ីធីម៉ល ក្នុងខណ្ឌ៧មករា ក្រុងភ្នំពេញ ពាក់ព័ន្ធនឹងបណ្តឹងពីបទឆបោក និងរំលោភទំនុកចិត្ត លើទឹកប្រាក់ចំនួន ៩២ម៉ឺនដុល្លារអាមេរិក។
បន្ទាប់ពីឃាត់ខ្លួន លោក អេង អូន ត្រូវបានបញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីចាត់ការបន្តតាមនីតិវិធី៕