ព្រះសីហនុ៖ សមត្ថកិច្ចនគរបាលខេត្តព្រះសីហនុ កាលពីវេលាម៉ោង០៦និង៣០នាទីព្រឹក ថ្ងៃទី២៥ ខែកក្កដា ឆ្នាំ២០២១ បានឃាត់ខ្លួនជនសង្ស័យជនជាតិចិនម្នាក់ ពាក់ព័ន្ធករណីផ្ទុះអាវុធចំនួន ០៣គ្រាប់ នៅក្នុងបន្ទប់ជួលស្ថិតនៅចំណុចក្រុមទី១០ ភូមិ២ សង្កាត់លេខ១ ក្រុងព្រះសីហនុ ខេត្តព្រះសីហនុ។
សមត្ថកិច្ចបានឱ្យដឹងថា ជនសង្ស័យឈ្មោះ WANG XUDONG ភេទប្រុស អាយុ ៣៨ឆ្នាំ ជនជាតិចិន មុខរបរ មិនពិតប្រាកដ ស្នាក់នៅផ្ទះជួល ក្រុមទី១០ ភូមិ២ សង្កាត់លេខ១ ក្រុងព្រះសីហនុ ខេត្តព្រះសីហនុ។
សមត្ថកិច្ចបានដកហូតវត្ថុតាងរួមមាន៖
-កាំភ្លើងខ្លី ០១ដើម (ម៉ាក ZORAKI ពណ៌ទឹកប្រាក់ មានលេខសម្គាល់ 000326)
-បង់កាំភ្លើង ០១
-គ្រាប់កាំភ្លើង ៤៤គ្រាប់
-សំបកកាទុស ០៣គ្រាប់
-ស្រោមកាំភ្លើង ០១
-កាំភ្លើងបាញ់ឆក់ ០១
-ខ្នោះដៃ ០១គូរ
-កូនកាំប៉ិតស្នៀត ០២
-ស្បែកជើងកវែង ០២គូរ
-ទូរស័ព្ទដៃ ០២គ្រឿង
-លិខិតឆ្លងដែន ០២ក្បាល។
សមត្ថកិច្ចបញ្ជាក់ថា កាលពីវេលាម៉ោង ០១ និង ៣០នាទី រំលងអាធ្រាត្រ ថ្ងៃ២៥ ខែកក្កដា ឆ្នាំ២០២១ មានប្រជាពលរដ្ឋបានរាយការណ៍ថា មានករណី ផ្ទុះអាវុធ ចំនួន ០៣គ្រាប់ នៅក្នុងបន្ទប់ខាលលើ។ បន្ទាប់ពីទទួលបានព័ត៌មាននេះភ្លាម កម្លាំងជំនាញផែនការងារនគរបាលព្រហ្មទណ្ឌ បានសហការជាមួយកម្លាំងអធិការដ្ឋាននគរបាលក្រុងព្រះសីហនុ ចុះទៅដល់កន្លែងកើតហេតុ និងបានធ្វើការហុមព័ទ្ធបន្ទប់ដែលកើតហេតុ រហូតដល់វេលលាម៉ោង ០៦ និង ៣០នាទី ព្រឹក ទើបធ្វើការឃាត់ខ្លួនបានជនប្រដាប់អាវុធ ដែលជាជនជាតិចិន។
បច្ចុប្បន្នជនសង្ស័យខាងលើ ត្រូវបាននគរបាលបញ្ជូនទៅសាលាដំបូងខេត្ត ដើម្បីចាត់ការបន្តតាមនីតិវិធី៕
ដោយ ដែនសមុទ្រ