តាកែវ — ពលរដ្ឋបានឲ្យដឹងថា ក្រុមគ្រឿងចក្រមួយក្រុមបានមកធ្វើសកម្មភាពកាយដីបឹងរបស់រដ្ឋ ស្ថិតនៅចំណុចបឹងទួលរលក ឃុំព្រៃផ្តៅ ស្រុកព្រៃកប្បាស ដោយគ្មានការសុំច្បាប់ពីអាជ្ញាធរមូលដ្ឋានឡើយ ព្រោះតែគេយកឈ្មោះថ្នាក់ដឹងនាំខេត្តតាកែវម្នាក់មកកាង។
សកម្មភាពក្រុមគ្រឿងចក្រកាយដី
ពលរដ្ឋថា ក្រុមគ្រឿងចក្បានយកឈ្មោះលោក ខាន់ សុខា អភិបាលរងខេត្តតាកែវ ដោយថាជាអ្នកអនុញ្ញាតិអោយកាយដីក្នុងបឹងទួលរលកនេះលក់ ដោយមិនចាំបាច់សុំច្បាប់អនុញ្ញាតិនោះទេ។
ពាក់ពន្ធ័ករណីនេះ យើងមិនអាចទាក់ទងសុំការបំភ្លឺលោក ខាន់ សុខា អភិបាលរងខេត្តតាកែវបានទេ ដោយទូរសព្ទ័មិនចូល។
យ៉ាងណាក៏ដោយ ក្រោយពីដឹងព័ត៌មាននេះ លោក អ៊ូច ភា អភិបាលខេត្តតាកែវ កាលពីថ្ងៃអាទិត្យ បានបញ្ជាឲ្យមន្ត្រីក្រោមឪវាទចុះទៅចាប់ក្រឿងចក្រខាងលើ តែម្ចាស់គ្រឿងចក្រដឹងខ្លួនទាន់ ក៏នាំគ្នារត់អស់ទៅ៕
