កាលពីល្ងាចថ្ងៃទី២៩ ខែសីហា ឆ្នាំ២០២១កន្លងទៅនេះ កម្លាំងកងរាជអាវុធហត្ថខេត្តតាកែវ ដឹកនាំដោយ លោក វរសេនីយ៏ឯក ង៉ែត ចាន់ធី មេបញ្ជការរងទទួលបន្ទុុកមន្ទីរស្រាវជ្រាវនិងបង្រ្កាបបទល្មើសព្រហ្មទណ្ឌ សហការណ៏ជាមួយអាវុធហត្ថស្រុកសំរោង បានចុៈបង្រ្កាបទីតាំងខារ៉ាអូរខេយីហោរាត្រីឡុងប៊ិច ស្ថិតនៅចំណុចភូមិថ្មី ឃុំរវៀង ស្រុកសំរៀង ដែលមិនគោរពវិធានការរដ្ឋបាល ក្នុងការទប់ស្កាត់ការរីករាលដាលជំងឺកូវីដ១៩។
ក្នុងការបង្រ្កាបទីតាំងនោះ កម្លាំងបានធ្វើការឃាត់ខ្លួនមនុស្សចំនួន១៤នាក់ ក្នុងនោះមានស្រី៧នាក់ និងប្រុស៧នាក់ ព្រមទាំងដកហូតម៉ូតូចំនួន៥គឿង ។
ក្រោយការឃាត់ខ្លួន មនុស្សទាំង១៤នាក់ ត្រូវបាននាំយកទៅធ្វើការផាកពិន័យ ម្នាក់ចំនួន ២លានរៀល។
បើតាមសេចក្តីរាយការណ៍របស់ប្រជាពលរដ្ឋថា នៅក្នុងស្រុកសំរោង ក៏ដូចជាក្រុងដូនកែវ និងស្រុកបាទី នៅមានទីតាំងខារ៉ាអូខេមួយចំនួនក៏កំពុងតែបើកដំណើរការ ដោយរំលោភទៅនឹងវិធានការរដ្ឋបាលផងដែរ៕