ព្រះសីហនុ៖ (ព័ត៌មានបឋម) កាលពីវេលាម៉ោងប្រមាណ១០ព្រឹក ថ្ងៃទី០១ ខែកញ្ញា ឆ្នាំ២០២១ ប្រជាពលរដ្ឋបានប្រទះឃើញសាកសពស្រ្តីម្នាក់ ដេកស្លាប់លើឆ្នេរខ្សាច់ នៅចំណុចឆ្នេរអូឈើទាល (ព្រំដែនទឹកចាស់) ស្ថិតក្នុងក្រុមទី១៧ ភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ។
សមត្ថកិច្ចបានឲ្យដឹងថា ជនរងគ្រោះមានឈ្មោះ XIE QIYING ភេទស្រី ជនជាតិចិន អាយុ២១ឆ្នាំ កាន់លិខិតឆ្លងដែនលេខ៖ EG 2190261 មានសុពលភាព ដល់ថ្ងៃទី០៧-០៥-២០២៩ ស្នាក់នៅសណ្ឋាគារ «ឆាងឆឹង» បន្ទប់លេខ៩០៧ ជាន់ទី៩។
ពាក់ព័ន្ធនឹងករណីនេះ សមត្ថកិច្ចមិនទាន់ដឹង ពីមូលហេតុពាក់ព័ន្ធ និងការស្លាប់របស់ជនរងគ្រោះ នៅឡើយទេ។
បច្ចុប្បន្ន កម្លាំងសមត្ថកិច្ចកំពុងសហការណ៍ ជាមួយសមត្ថកិច្ចមូលដ្ឋាន ធធ្វើការស្រាវជ្រាវនិងរង់ចាំមន្រ្តីជំនាញមកធ្វើកកោសល្យវិច្ច័យ៕
ដោយ ដែនសមុទ្រ