ប្រព័ន្ធផ្សព្វផ្សាយបរទេសបានរាយការណ៍ថា យ៉ាងតិចណាស់មានមនុស្ស៤០នាក់បានឆេះស្លាប់ និងមនុស្សជាច្រើននាក់បានរងរបួស នៅក្នុងអគ្គិភ័យឆេះពន្ធនាការមួយនៅក្នុងខេត្ត Banten ប្រទេសឥណ្ឌូនេស៊ី នៅព្រឹកព្រលឹមថ្ងៃពុធនេះ (៨ កញ្ញា) ។
ពន្ធនាគារ Tangerang ដែលត្រូវភ្លើងឆេះ
លោកស្រី Rika Aprianti អ្នកនាំពាក្យនាយកដ្ឋានពន្ធនាគារ នៃក្រសួងច្បាប់និងសិទ្ធិមនុស្ស បាននិយាយថា អគ្គិភ័យដែលបានកើតឡើង នៅវេលាម៉ោង ១និង២យប់ រំលងអធ្រាត នៅអគារ Tangerang ត្រូវបានអាជ្ញាធរបាញ់ពន្លត់ហើយ តែអាជ្ញាធរកំពុងស្វែងរកអ្នកបាត់ខ្លួនបន្តទៀត។
_
លោកស្រី Rika បន្តថា មូលហេតុនៃគ្រោះអគ្គិភ័យនេះស្ថិតក្រោមការស៊ើបអង្កេត។ អ្នកស្លាប់សុទ្ធតែជាអ្នកទោស ហើយមនុស្ស៨នាក់ទៀតរងរបួសធ្ងន់ធ្ងរ និង៧២នាក់ រងរបួសស្រាល៕
