កម្ពុជាសម្រេចការចាក់វ៉ាក់សាំងកូវីដ១៩ សម្រាប់​មនុស្សពេញវ័យបាន ៩៧ភាគរយហើយ

(ភ្នំពេញ) — គិតត្រឹមយប់ថ្ងៃទី១២ ខែកញ្ញា ឆ្នាំ២០២១ ក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារកូវីដ១៩ ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេសសរុបចំនួន ១១,៤៤៦,៤២០នាក់។ ក្នុងនោះសម្រាប់មនុស្សពេញវ័យ ដែលមានអាយុចាប់ពី១៨ឆ្នាំឡើង បានចំនួនជាង៩លាននាក់ ឬស្មើនឹងជាង ៩៧ភាគរយ នៃចំនួនគោលដៅ ១០លាននាក់។

សម្រាប់រយៈពេល៤៣ថ្ងៃនៃការចាប់ផ្តើមដំណើរការ ចាក់វ៉ាក់សាំងការពារជំងឺកូវីដ១៩ ជូនកុមារ និងយុវវ័យ មានអាយុចាប់ពី១២ឆ្នាំ ដល់១៧ឆ្នាំវិញ ក្រុមគ្រូពេទ្យចាក់បានចំនួន ១,៧០៨,៥៣៥នាក់ ខណៈទូទាំងប្រទេសចាក់បានចំនួន ១១,៤៤៦,៤២០នាក់ (គិតត្រឹមថ្ងៃទី១២ ខែកញ្ញា)៕