តាមរបាយការណ៍របស់ក្រសួងសុខាភិបាលចេញផ្សាយនៅថ្ងៃទី២៣ ខែកញ្ញា ឆ្នាំ២០២១នេះ បានបញ្ជាក់ថា កម្ពុជាមានមនុស្សចំនួន ២២នាក់ថ្មីបានស្លាប់ដោយសារជំងឺកូវីដ១៩ ដែលធ្វើឲ្យកម្ពុជាមានមនុស្សសរុប ២១៧៦នាក់ហើយបានស្លាប់ដោយសារកូវីដ១៩ គិតចាប់ពីដើមឆ្នាំនេះ។
ជាមួយគ្នានៅថ្ងៃនេះ ក៏មានករណីឆ្លងថ្មីចំនួន ៦៣៨នាក់ថែមទៀត ខណៈមានអ្នកជំងឺតែ ៤៧៩នាក់បានជាសះស្បើយនៅថ្ងៃនេះ។
គិតត្រឹមព្រឹកថ្ងៃទី២៣ ខែកញ្ញា ឆ្នាំ២០២១នេះ កម្ពុជាមានករណីជំងឺកូវីដ១៩សរុបចំនួន ១០៦៦១៩នាក់ ក្នុងនោះជាសះស្បើយចំនួន ៩៩១៣៤នាក់ និងកំពុងសម្រាកព្យាបាលនៅមន្ទីរពេទ្យចំនួន ៧៤៨៥នាក់៕
