ព្រះសីហនុ – កាលពីថ្ងៃទី២១ ខែតុលា ឆ្នាំ២០២១ រដ្ឋបាលខេត្តព្រះសីហនុ បានរៀបចំសិក្ខសាលាមួយ ដោយធ្វើការពិនិត្យ និងផ្តល់យោបល់លើសេចក្តីព្រាងក្របខ័ណ្ឌ «ទីក្រុងឆ្លាតវៃក្រុងព្រះសីហនុ»។
យ៉ាងណាក៏ដោយ ក្រុងព្រះសីហនុអាចក្លាយជាទីក្រុងឆ្លាតវៃ គឺផ្តោតទៅលើ មជ្ឈមណ្ឌលយុវជនឆ្លាតវៃ បណ្តុះបណ្តាលកម្មវិធីកុំព្យូទ័រ បច្ចេកវិទ្យាអចិន្រ្តៃយ៍សម្រាប់ប្រជាពលរដ្ឋ ការកែលម្អការគ្រប់គ្រងសំណល់ រាវ ក្នុងទីក្រុង ការថែទាំសុខភាព សន្តិសុខ និងសុវត្តិភាពសាធារណៈ ទាំងនេះជាអាទិភាពទស្សនទានទីក្រុងឆ្លាតវៃរបស់ក្រុងព្រះសីហនុ។
សូមបញ្ជាក់ថា សិក្ខាសាលានេះទទួលបានការគាំទ្រនិងផ្តួចផ្តើមឡើងដោយការិយាល័យឧត្តមស្នងការ អង្គការសហប្រជាជាតិ សហការជាមួយកម្មវិធីអង្គការសហប្រជាជាតិសម្រាប់លំនៅឋានមនុស្សជាតិ (UN Habitat) ក្រោមជំនួយថវិការបស់មូលនិធិអង្គការសហប្រជាជតិទ្រទ្រង់សន្តិសុខមនុស្សជាតិ ៕
អត្ថបទ៖ សំរិទ្ធ សុខេមរា