ក្រុមអ្នកបច្ចេកទេស អាជ្ញាធរជាតិអប្សរា ដែលកំពុងតែជំរុញការងារជួសជុលតួអគ្នេយ៍ប្រាសាទលលៃដែលទទួលរងការខូចខាតធ្ងន់ធ្ងរ បានអះអាងថា នឹងរួចរាល់ជាស្ថាពរនាបំណាច់ឆ្នាំ២០២១ នេះ ។
ការងារជួសជុលដែលចាប់ផ្តើមពីពាក់កណ្តាលឆ្នាំ២០២១ មកដល់ពេលនេះសម្រេចបានជាង៧០ភាគរយហើយ ពោលគឺបានធ្វើកំណាយយកគំនរថ្មដែលបាក់ធ្លាក់ចេញពីតួប្រាសាទចប់រួចរាល់ហើយ។ កិច្ចការដែលត្រូវធ្វើបន្ទាប់គឺការជួសជុលថ្មដែលខូចខាតដើម្បីលើកដាក់ទីតាំងដើម និងធ្វើការពង្រឹងរចនាសម្ពន្ធប្រាសាទឡើងវិញ ដោយគ្រោងបញ្ចប់នាដំណាច់ឆ្នាំ២០២១ នេះ ៕