ទីបំផុតទៅករណីឆេះក្លឹបអេលីត ស្ថិតនៅខាងក្រោមផ្សាទំនើបអាស៊ីផ្លាហ្សា ក្នុងភូមិតាភុល សង្កាត់ស្វាយដង្គុំ ក្រុងសៀមរាប ត្រូវបានសមត្ថកិច្ចបញ្ជាក់មូលហេតុថា បណ្តាលមកពីឆ្លងចរន្តអគ្គិសនី។
ករណីអគ្គិភ័យដែលផ្តើមតាំងពីម៉ោងជិត៨យប់ ថ្ងៃទី១ ខែធ្នូ ឆ្នាំ២០២១ រហូតដល់ម៉ោងជិត១១យប់ទើបរលត់នោះ បានបណ្តាលឲ្យមនុស្សចំនួន៣នាក់ស្លាប់ និងរបួសធ្ងន់មនុស្សម្នាក់ ក្នុងនោះមានដូចជា៖
- ជនរងគ្រោះទី១ ឈ្មោះ អ៉ឹង ស៉ីម ភេទ ប្រុស អាយុ ៤២ ឆ្នាំ រស់នៅភូមិ បន្ទាយឈេី សង្កាត់ទឹក វិល មមុខរបរសន្តិសុខក្លឹប អេលីត (ដល់មន្ទីរពេទ្យខេត្តបានស្លាប់) ។
- ជនរងគ្រោះទី២ ឈ្មោះ ប្រាក់ សុភ័ណ្ឌ ភេទ ប្រុស អាយុ ៤១ ឆ្នាំ រស់នៅបន្ទប់ជួលភូមិ តាភុល មុខរបរ DJ ក្លឹបអេលីត (កំពុងសង្គ្រោះបន្ទាន់នៅមន្ទីរពេទ្យខេត្ត) ។
- ជនរងទី៣ ឈ្មោះ ធី មេសា ហៅក្រៅ ចិត្ត ភេទ ប្រុស អាយុ ៣៦ ឆ្នាំ រស់នៅភូមិ កន្ត្រក សង្កាត់ ស្វាយដង្គ មុខរបរ សន្តិសុខ (ស្លាប់នៅកន្លែងកើតហេតុ) ។
- ជនរងគ្រោះទី៤ ឈ្មោះ ឈឿន សំណាង ភេទ ប្រុស អាយុ ២៦ ឆ្នាំ រស់នៅភូមិ ខ្នា សង្កាត់ ជ្រាវ មុខរបរ អ្នកចំរៀង (ស្លាប់នៅកន្លែងកើតហេតុ) ។
ករណីនេះ សមត្ថកិច្ចបានប្រើប្រាស់រថយន្តពន្លត់អគ្គិភ័យសរុបចំនួន ១០ គ្រឿង ទើបអាចគ្រប់គ្រងស្ថានការណ៍បាន៕
