កាលពីថ្ងៃទី០៦ ខែធ្នូ ឆ្នាំ២០២១ កម្លាំងសមត្ថកិច្ចកំម្រិតធ្ងន់បានស្រាវជ្រាវ និងឃាត់ខ្លួនជនសង្ស័យម្នាក់ ឈ្មោះ យ៉ាន់ បូរី ភេទប្រុស អាយុ៣៨ឆ្នាំ មុខរបរ គ្មាន រស់នៅភូមិកំព្រុំ ឃុំឃុនរាម ស្រុកបន្ទាយស្រី ខេត្តសៀមរាប ពាក់ព័ន្ធករណី អំពើលួច មានស្ថានទម្ងន់ទោស ប្រព្រឹត្តក្នុងក្រុងសៀមរាប ចំនួន ០៤ករណី ។
ចំពោះមុខសមត្ថកិច្ចជនសង្ស័យបានសាភាពថា នៅក្នុងអំឡុងខែ តុលា និង ខែ វិច្ឆិកា ឆ្នាំ២០២១ ជនសង្ស័យ ឈ្មោះ យ៉ាន់ បូរី បានធ្វើសកម្មភាពផ្លោះរបង ចូលលួចទ្រព្យសម្បត្តិក្នុងក្រុងសៀមរាប ចំនួន ០៤ករណី ដូចខាងក្រោម:
– ករណីទី១:កាលពីវេលាម៉ោង ០២ និង ៣០នាទី យប់ថ្ងៃទី១៨.តុលា.២០២១ ត្រង់ចំណុច ហាងលក់ទូរស័ព្ទរបស់ជនរងគ្រោះ ឈ្មោះ រ៉ែម រាប ស្ថិតវត្តបូព៍ ជនសង្ស័យលួចយកកូនសោទូចាកបើកយកទូរ ស័ព្ទម៉ាក oppo និង vivo ចំនួន ០៨គ្រឿង ។
– ករណីទី២: កាលពីវេលាម៉ោង ០១និង ៤០នាទី ថ្ងៃទី២០.១១.២០២១ ត្រង់ចំណុចផ្ទះជនរងគ្រោះ ឈ្មោះ ចាន់ ធឿន ស្ថិតក្នុងភូមិគោកតាចាន់ ជនសង្ស័យ បានផ្លោះរបងចូលលួចយកប្រាក់ដុល្លា ៧០០០$ និងទូរស័ព្ទ sumsung ០១គ្រឿង។
– ករណីទី៣:កាលពីវេលាម៉ោង២២និង ០០នាទី ថ្ងៃទី២៨.១១.២០២១ លើជនរងគ្រោះ ឈ្មោះ ហេង សៀក ត្រង់ចំណុចភូមិសាលាកន្សែង ជនសង្ស័យ ចូលលួចយកទូរស័ព្ទ០៤គ្រឿង ( iPhone 6plus ០១គ្រឿង, xs max ០១គ្រឿង, oppo ០១គ្រឿង និង reall me ០១គ្រឿង ) ។
– ករណីទី៤: កាលពីវេលាម៉ោង ០២និង៥០នាទី យប់ឈានចូលថ្ងៃទី២៩.១១.២០២១លើជនរងគ្រោះ ឈ្មោះគុជ សុវណ្ណ ត្រង់ចំណុចភូមិខ្នារ ជនសង្ស័យ បានយកឈើឆ្កិះយកកាប របស់ជនរងគ្រោះទុកក្នុង បន្ទប់ ក្នុងកាបូបមានប្រាក់ដុលា៥០០$ ប្រាក់ខ្មែរ ៥ម៉ឹនរៀល ។
តាមចម្លើយសារភាព របស់ជនសង្ស័យ ឈ្មោះ យ៉ាន់ បូរី បានឆ្លើយសារភាពថា ខ្លួនពិតជាបានធ្វើ សកម្មភាពករណីខាងលើនេះ ពិតប្រាកដមែន ប៉ុន្តែ ករណីទី១ ខ្លួនលួចបានទូរស័ព្ទ ០៦គ្រឿង ករណីទី២ លួចបានប្រាក់ដុល្លា ៣០០០$ និងទូរស័ព្ទ ០១គ្រឿង ករណីទី៣ មិនឆ្លើយសារភាពនោះទេ និងករណីទី៤ លួចបានប្រាក់ ៤ម៉ឺនរៀល ។ ចំពោះប្រាក់ដែលលួចបាន ខ្លួនបានចាយអស់ ចំណែកទូរស័ព្ទ ខ្លួនបានលក់ឲ្យពួកម៉ូតូ ឌុបមុខផ្សារលើ យកប្រាក់ចាយអស់ហើយ។
បច្ចុប្បន្នសមត្ថកិច្ចកំពុងរៀបចំឯកសារនឹងបញ្ជួនខ្លួនជនសង្ស័យទៅសាលាដំបូងខេត្តសៀមរាប ដើម្បីចាប់ការទៅតាមផ្លូវច្បាប់៕
