ភ្នំពេញ – បើតាមសេចក្តីជូនដំណឹងរបស់ក្រសួងសុខាភិបាលបានឲ្យដឹងថា នៅថ្ងៃទី១៨ ខែធ្នូ ឆ្នាំ២០២១ គេបានរកឃើញករណីវិជ្ជមានកូវីដ១៩ បម្លែងថ្មី ប្រភេទ អូមីក្រុង ចំនួន២នាក់ទៀត (ករណីទី៣ និងទី៤) នៅលើអ្នកដំណើរជាជនជាតិខ្មែរ។
ក្នុងនោះ ទី១ ស្រ្តីអាយុ៤៧ឆ្នាំ ស្នាក់នៅក្នុងបុរីប៉េងហួតបឹងស្នោរ ច្បារអំពៅ បានធ្វើដំណើរពីសហរដ្ឋអាមេរិក រង់ចាំបន្តជើងហោះហើរនៅប្រទេសកូរ៉េខាងត្បូង ហើយបានមកដល់ប្រទេសកម្ពុជានៅថ្ងៃទី១៦ ខែធ្នុ ឆ្នាំ២០២១។
ទី២ ស្រ្តីអាយុ៣៣ឆ្នាំ ស្នាក់នៅទួលសង្កែ ខណ្ឌឬស្សីកែវ បានធ្វើដំណើរមកពីប្រទេសបារាំង ឆ្លងកាត់តាមប្រទេសសាំងហ្គាពួរ បន្តជើងហោះហើរមកដល់ទីក្រុងភ្នំពេញ នៅថ្ងៃទី១៧ ខែធ្នូ ឆ្នាំ២០២១។
បច្ចុប្បន្នអ្នកជំងឺខាងលើត្រូវបានដាក់ឲ្យសម្រាកព្យាបាលនៅមជ្ឈមណ្ឌលជាតិកំចាត់រោគរបេង និងហង់សិន រាជធានីភ្នំពេញ៕
