បើតាមសេចក្តីជូនដំណឹងរបស់ក្រសួងពាណិជ្ជកម្មកម្ពុជាបានបញ្ជាក់ថា តម្លៃប្រេងសាំងលក់រាយតាមស្ថានីយ៍ចាប់ពីថ្ងៃទី១៥ ដល់ថ្ងៃទី៣១ ខែមករា ឆ្នាំ២០២២នេះ ត្រូវកំណត់លក់ក្នុងតម្លៃ ៤៣៥០រៀលក្នុងមួយលីត្រ។ តម្លៃនេះឃើញថា មានការកើនឡើង ១៥០រៀល បើធៀបនឹងតម្លៃប្រេងសាំងកាលពីដើមខែមករា។
គួររំលឹកដែរថា តម្លៃប្រេងសាំងនៅកម្ពុជាបានហក់ឡើងដល់ ៤៥៥០រៀលកាលពីដើមខែវិច្ឆិកា ឆ្នាំ២០២១ ហើយជាបន្តបន្ទាប់តម្លៃប្រេងសាំងធ្លាក់ចុះរហូតដល់ខែធ្នូឆ្នាំ២០២១ ប្រេងសាំងលក់រាយតាមស្ថានីយ៍នៅសល់ត្រឹម ៤១០០រៀលក្នុងមួយលីត្រ ។ ប៉ុន្តែចាប់តាំងពីដើមខែមករា ឆ្នាំ២០២២នេះ តម្លៃប្រងសាំងបានឡើងវិញស្រឺតៗតែម្តង។
