រោងចក្រផលិតសំបកកង់រថយន្តមួយទៀត ត្រូវបានអនុញ្ញាតឲ្យដំណើរការនៅកម្ពុជា

ភ្នំពេញ : ក្រុមប្រឹក្សាអភិវឌ្ឍកម្ពុជា (CDC) កាលពីថ្ងៃទី ២៥ មករា ម្សិលមិញបានអនុញ្ញាតឲ្យក្រុមហ៊ុន Gene ral Intelligence (Cambodia) Co., Ltd ពីប្រទេសចិន បើកដំណើរការផលិតសំបកកង់រថយន្ត នៅតំបន់សេដ្ឋកិច្ចពិសេស ក្រុងព្រះសីហនុ ខេត្តព្រះសីហនុ ដែលមានទុនវិនិយោគប្រមាណ ២៩៧ លានដុល្លារអាមេរិក នឹងបង្កើតការងារបានចំនួនប្រមាណ ១.៦០០ កន្លែង។

ក្រុមហ៊ុន General Intelligence (Cambodia) Co., Ltd គឺជាក្រុមហ៊ុនផលិតសំបករថយន្តពីប្រទេសចិនទី៣ហើយ ដែលត្រូវបានអនុញ្ញាតឱ្យបើកដំណើរការនៅកម្ពុជាបន្ទាប់ពីក្រុមហ៊ុនJiangsu General Science ដែលមានទុនវិនិយោគប្រមាណ២០០លានដុល្លារ និងក្រុមហ៊ុនCART TIRE CO., LTD ដែលមានទុនវិនិយោគប្រមាណ១៥លានដុល្លារ ៕