ប្រធានាធិបតីអ៊ុយក្រែនលោក Volodymyr Zelenskyy បានបង្ហាញខ្លួននៅក្នុងវីដេអូមួយដែលត្រូវបានថតនៅខាងក្រៅការិយាល័យរបស់គាត់ក្នុងទីក្រុង Kyiv ដោយសន្យាថា នឹងប្រយុទ្ធនៅពេលដែលកងកម្លាំងឈ្លានពានរបស់រុស្ស៊ីបានសម្រុកឆ្ពោះទៅរដ្ឋធានី។
លោក Volodymyr Zelenskyy ប្រធានាធិបតីអ៊ុយក្រែន
“ខ្ញុំនៅទីនេះ។ យើងនឹងមិនដាក់អាវុធណាមួយឡើយ។ យើងនឹងការពាររដ្ឋរបស់យើង ពីព្រោះអាវុធរបស់យើងគឺជាការពិតរបស់យើង” លោកបានប្រកាសនៅក្នុងវីដេអូឃ្លីបដែលត្រូវបានបង្ហោះកាលពីព្រឹកថ្ងៃសៅរ៍ ដោយជំរុញអ្នកស្រុកកុំឱ្យជឿលើព័ត៌មាន “ក្លែងក្លាយ” អំពីការចុះចាញ់របស់កងទ័ពអ៊ុយក្រែន។
“ព័ត៌មានក្លែងក្លាយជាច្រើនបានលេចឡើងនៅលើអ៊ីនធឺណិតដែលនិយាយថាខ្ញុំបានអំពាវនាវឱ្យកងទ័ពរបស់យើងបញ្ឈប់អាវុធរបស់ខ្លួនហើយការជម្លៀសកំពុងដំណើរការ… ការពិតរបស់យើងគឺដីរបស់យើង ប្រទេសរបស់យើង កូនរបស់យើង ហើយយើងនឹងការពារអ្វីៗទាំងអស់នេះ”។
នៅក្នុងវីដេអូនោះ លោក Zelenskyy បានប្រាប់ប្រជាជនអ៊ុយក្រែនថា “យើងត្រូវតែស៊ូទ្រាំនៅយប់នេះ” ខណៈដែលលោកបានព្រមានអំពីការវាយលុករបស់រុស្ស៊ីមកកាន់ទីក្រុង Kyiv និងទីក្រុងផ្សេងទៀតនៅទូទាំងប្រទេស។
“យប់នេះនឹងពិបាកជាងថ្ងៃ។ ទីក្រុងជាច្រើននៅក្នុងប្រទេសរបស់យើងកំពុងរងការវាយប្រហារ។ Chernihiv, Sumy, Kharkiv, Donbas, ទីក្រុងនៃភាគខាងត្បូងអ៊ុយក្រែន ជាពិសេសទីក្រុងកៀវ ។ យើងមិនអាចបាត់បង់រដ្ឋធានីបានទេ”។
គួរបញ្ជាក់ថា រុស្ស៊ីបានបើកការលុកលុយប្រទេសអ៊ុយក្រែនដោយចាប់ផ្តើមកាលពីព្រឹកថ្ងៃព្រហស្បតិ៍ ដោយវាយប្រហារដោយកាំជ្រួចទៅលើទីក្រុង និងមូលដ្ឋានយោធារបស់អ៊ុយក្រែនជាច្រើនកន្លែង ហើយពេលនេះបានចូលកាន់កាប់តំបន់ភាគខាងកើត, តំបន់ភាគខាងត្បូងនៃ Crimea ដែលរុស្ស៊ីបានបញ្ចូលក្នុងឆ្នាំ 2014 និងពីបេឡារុស្សនៅភាគខាងជើង៕
