ភ្នំពេញ – កាលពីចុងសប្តាហ៍កន្លងទៅនេះ (៤ មីនា) ក្រសួងប្រៃសនីយ៍ និងទូរគមនាគមន៍ និង សមាគមសហព័ន្ធហិរញ្ញវត្ថុ និងបច្ចេកវិទ្យានៃកម្ពុជា(CAFT) បានសម្រេចចុះអនុស្សារណៈយោគយល់គ្នា ក្នុងគោលបំណងពង្រឹងកិច្ចសហប្រតិបត្តិកាបន្ថែមទៀតរវាងក្រសួង និងសហគមន៍ធុរកិច្ចដែលប្រេីប្រាស់បច្ចេកវិទ្យានិងនវានុវត្តន៍ ដើម្បីជំរុញការអភិវឌ្ឍធុរកិច្ចថ្មីឌីជីថល និងឧស្សាហកម្មបច្ចេកវិទ្យាហិរញ្ញវត្ថុនៅកម្ពុជា។
ពិធិចុះអនុស្សារណៈនេះ បានធ្វើឡើងនៅសារមន្ទីរព្រះស្រីឦសានវរ្ម័ន ដោយមានការចូលរួមពី លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងលោកស្រី ជា សិរី ឧបការីទេសាភិបាល និងជាអគ្គនាយកបច្ចេកទេស ធនាគារជាតិនៃកម្ពុជា។