(ភ្នំពេញ) – ថ្លែងក្នុងសិនិ្នសីទសារព័ត៌មានស្តីពីវឌ្ឍនភាពនិងទិសដៅការងារបន្តរបស់រដ្ឋលេខាធិការដ្ឋានអាកាសចរណ៍ស៊ីវិលនៅព្រឹកថ្ងៃទី១៦ ខែ មេសា ឆ្នាំ២០២០ លោក ស៊ិន ចាន់សេរីវុត្ថា អគ្គនាយករងបច្ចេកទេសនិងជាអ្នកនាំពាក្យរបស់រដ្ឋលេខាធិការដ្ឋានអាកាសចរណ៍ស៊ីវិល បានមានប្រសាសន៏ថា រាជរដ្ឋាភិបាលកំពុងសិក្សាគម្រោងអភិវឌ្ឍន៍អាកាសយានដ្ឋាននៅខេត្តមណ្ឌលគិរី សម្រាប់ប្រចាំតំបន់ភូមិភាគឦសាន្តដែលឆ្លើយតបទៅនឹងតម្រូវការភ្ញៀវទេសចរ និងអ្នកធ្វើដំណើរក្នុងស្រុក។
លោកថា ពេលនេះក្រុមការងារបច្ចេកទេសទំាងរដ្ឋនិងឯកជនកំពុងសិក្សាពីគម្រោងសាងសង់ព្រលានយន្តហោះខេត្តមណ្ឌលគិរីនេះ ដោយគ្រោងដាក់ជូនប្រមុខរាជរដ្ឋាភិបាលពិនិត្យនិងសម្រេចនៅពេលខាងមុខ។
តាមការបញ្ជាក់របស់លោក ចាន់សេរីវុត្ថា គម្រោងសាងសង់អាកាសយានដា្ឋននៅខេត្តមណ្ឌលគិរីនេះ គ្រោងចំណាយថវិការហូតដល់៦០លានដុល្លារ ប៉ុន្តែតម្លៃសាងសង់នឹងប្រែប្រួលបន្ថែមទៀត ខណៈការសិក្សាមិនទាន់ចប់រួចរាល់៕