ពោធិ៍សាត់ : ឯខេត្តពោធិ៍សាត់ក្នុងពិធីជួបសំណេះ សំណាលជាមួយកម្មករ-កម្មការិនីនាព្រឹកថ្ងៃទី៣០ ខែមិថុនា នេះសម្ដេចនាយករដ្ឋមន្ត្រីបានផ្ដាំទៅក្រុមហ៊ុន facebook ថា ជាន់.កសម្ដេចប្រយ័ត្នលៀនអណ្ដាតខ្លួនឯង ។ ការផ្ដែផ្ដាំបន្ទាប់ពីក្រុមប្រឹក្សាភិបាលក្រុមហ៊ុន Meta បានអំពាវនាវឲ្យមានការព្យួរគណនីហ្វេសប៊ុករបស់នាយករដ្ឋមន្ត្រីកម្ពុជារយៈពេល ៦ ខែបន្ទាប់ពីរកឃើញ ថា គណនី facebook នេះបានញុះញង់ឲ្យមានអំពើហិង្សា ។
សម្តេច ហ៊ុន សែន បានព្រមានថា ជាន់.កសម្តេចប្រយ័ត្នលៀនអណ្តាតខ្លួនឯង។ ដោយថា កុំយកបញ្ហាបច្ចេកទេស មកនិយាយ ហើយបំភ្លេចភាពតិរិច្ឆានរបស់ក្រុមប្រឆាំងធ្វើលើសម្តេច។ ជាមួយគ្នាសម្ដេចក៏បានគំរាមបិទ facebook នៅកម្ពុជាផងដែរ។
សេចក្ដីថ្លែងនេះបានធ្វើឡើងបន្ទាប់ពី ក្រុមប្រឹក្សា ភិបាលក្រុមហ៊ុន Meta កាលពីថ្ងៃព្រហស្បតិ៍ បានអំពាវនាវឲ្យព្យួរគណនីហ្វេសប៊ុករបស់នាយករដ្ឋមន្ត្រីកម្ពុជា លោក ហ៊ុន សែន រយៈពេល៦ខែ ដោយនិយាយថា វីដេអូមួយដែលបានបង្ហោះតាមទំព័រហ្វេសប៊ុករបស់លោក បានរំលោភវិធានរបស់ក្រុមហ៊ុន Meta ស្តីពីការគំរាមកំហែងហិង្សា។ នេះបើយោងតាមទីភ្នាក់ងារសារព័ត៌មាន Reuters ។ តែយ៉ាងណាក៏ដោយនៅយប់ថ្ងៃដដែលនោះនាយករដ្ឋមន្ត្រីបានលុបគណនី facebook ដែលមានអ្នកគាំទ្រជាង១៤ លាននាក់នោះរួចទៅហើយ ៕