(ថៃ) – យោងតាមសារព័ត៌មានថៃបានឲ្យដឹងថា ប្រទេសនេះគ្រោងនឹងពន្យារភាពអាសន្នជាតិដល់ថ្ងៃទី៣១ ខែឧសភា ដើម្បីពង្រឹងការប្រឆាំងនឹងវីរុស COVID-19 ។
អ្នកនាំពាក្យមជ្ឈមណ្ឌល COVID-19 ថៃបាននិយាយថា ច្បាប់អាសន្នជាតិដើមឡើយនឹងត្រូវផុតកំណត់នៅចុងខែមេសានេះ ប៉ុន្តែត្រូវបានពន្យារពេលមួយខែទៀតសិន ហើយក៏គ្រោងនឹងចាប់ផ្ដើមបើកជំនួញឡើងវិញខ្លះៗដែរ។
គួរបញ្ជាក់ដែរថា ចំនួននៃការឆ្លងកូវីដ១៩នៅប្រទេសថៃបានធូរស្រាល បន្ទាប់ពីនាយករដ្ឋមន្រ្តីលោក ប្រាយុទ្ធ ចានអូចា បានបិទទ្វារមួយផ្នែកធំនៅក្នុងប្រទេស បន្ទាប់ពីមានការកើនឡើងនៅក្នុងករណី COVID-19 កាលពីខែមីនា៕