បើតាមរដ្ឋមន្ត្រីការបរទេសអង់គ្លេស លោក ដូមីនីក រ៉ាអេប (Dominic Raab) ដកស្រង់ និងចេញផ្សាយដោយទីភ្នាក់ងារព័ត៌មានចិនស៊ីនហួរ នៅព្រឹកថ្ងៃព្រហស្បតិ៍ ទី៣០ ខែមេសា ឆ្នាំ២០២០ បានឲ្យដឹងថា គិតត្រឹមថ្ងៃពុធម្សិលមិញ អង់គ្លេសមានអ្នកជំងឺ COVID-19 សរុប ២៦,០៩៧នាក់ បានស្លាប់នៅក្នុងមន្ទីរពេទ្យ, មណ្ឌលថែទាំ និងនៅតាមសហគមន៍ធំៗ។
ចំនួនអ្នកស្លាប់ថ្មីបានកើនឡើង ៣,៨១១នាក់ នៅចន្លោះពីថ្ងៃទី០២ ខែមីនា និងថ្ងៃទី២៨ ខែមេសា ក្នុងនោះរួមមានទាំងអ្នកស្លាប់ ៧៦៥នាក់ ក្នុងរយៈពេល ២៤ម៉ោងចុងក្រោយ គិតត្រឹមថ្ងៃអង្គារកន្លងទៅ។
បើគិតពីតួលេខស្លាប់ នៅអង់គ្លេសពេលនេះ គឺច្រើនជាងបណ្តាប្រទេសផ្សេងៗទៀតនៅអឺរ៉ុប ជាពិសេសអ៉ីតាលី ដែលតែងតែឈរនៅលំដាប់កំពូលកន្លងមក៕