(ភ្នំពេញ) – ក្រសួងមហាផ្ទៃ កាលពីពេលថ្មីៗនេះ ប្រកាសឲ្យប្រើប្រាស់ជាផ្លូវការ នូវនិមិត្តសញ្ញារបស់ខេត្តមណ្ឌលគិរី សម្រាប់ការប្រើប្រាស់លើក្បាលលិខិត ឯកសារ ឬករណីផ្សេងៗទៀត។
និមិត្តសញ្ញារបស់ខេត្តមណ្ឌលគិរីនេះ គឺមានរូបគោព្រៃពីរ តំណាងឲ្យធនធានធម្មជាតិសត្វព្រៃដ៏សម្បូរបែប ដែលកំពុងមានវត្តមាននៅក្នុងទឹកដី នៃខេត្តមណ្ឌលគិរី ព្រមជាមួយនឹងរូបភ្នំ និងដើមឈើ នៅពីក្រោយ ដែលតំណាងឲ្យទីតាំងខេត្តស្ថិតនៅតំបន់ខ្ពង់រាបដែលសម្បូរទៅដោយប្រជុំភ្នំ ព្រៃព្រឹក្សា ជ្រោះ ជ្រលងដងអូរ អាកាសធាតុត្រជាក់គ្រប់រដូវ និងធនធានធម្មជាតិដ៏មានតម្លៃមហាសាល ដែលជាសក្តានុពលដ៏សំខាន់របស់ខេត្ត។
ខាងក្រោមនេះ គឺជានិមិត្តសញ្ញាផ្លូវការរបស់ខេត្តមណ្ឌលគិរី និងប្រកាសរបស់ក្រសួងមហាផ្ទៃ៖
