ក្រសួងសុខាភិបាលកម្ពុជានៅល្ងាចថ្ងៃទី១៨ ខែឧសភា ឆ្នាំ២០២០នេះ បានចេញសេចក្តីប្រកាសព័ត៌មាន ដោយធ្វើការច្រានចោលចំពោះការចុះផ្សាយរបស់សារព័ត៌មានវៀតណាម Vietnam News ដែលបានចុះផ្សាយកាលពីថ្ងៃទី១៦ ខែឧសភា ដែលថា ជនជាតិវៀតណាមម្នាក់ដែលបានចាកចេញពីកម្ពុជា មានផ្ទុកវីរុសកូវីដ១៩។
ក្រសួងសុខាភិបាលបានបញ្ជាក់ថា ករណីក្រុមការងារ និងអាជ្ញាធរខេត្តសៀមរាប បានរុករកស្រាវជ្រាវដោយយកចិត្តទុកដាក់ និងជាបន្ទាន់ តែមិនមានឈ្មោះជនជាតិវៀតណាមដូចការចុះផ្សាយនៅក្នុងកាសែតរបស់វៀតណាមនៅខេត្តសៀមរាបនោះទេ ហើយថា ការលើកឡើងថាជនជាតិវៀតណាមរូបនេះរស់នៅខេត្តសៀមរាប ហើយមានវីរុសកូវីដ១៩នោះ ក៏មិនមែនជាការពិតដែរ។
ខាងក្រោមនេះ គឺជាសេចក្តីប្រកាសព័ត៌មានរបស់ក្រសួងសុខាភិបាល៖
