ក្រសួងសុខាភិបាលកម្ពុជាបានប្រកាសថា គេបានរកឃើញបុរសខ្មែរម្នាក់មានវីរុសកូវីដ១៩ បន្ទាប់ពីបុរសរូបនោះបានវិលត្រឡប់ពីប្រទេសហ្វីលីពីន ដោយឆ្លងកាត់ប្រទេសកូរ៉េ។
បុរសរូបនោះមានស្រុកកំណើតនៅឃុំកំពង់ត្រាច ស្រុកកំពង់ត្រាច ខេត្តកំពត។
យ៉ាងណាក៏ដោយ ពេលនេះអ្នកដំណើរ ៦២នាក់ដែលជិះលើយន្តហោះជាមួយបុរសខ្មែររូបនោះ មានជនជាតិកូរ៉េ ២៣នាក់ ជនជាតិប៊ែលហ្សិក១នាក់ ជនជាតិតៃវ៉ាន់ ១នាក់ ជនជាតិហូឡង់ ១នាក់ ជនជាតិជប៉ុន ៣នាក់ និងជនជាតិខ្មែរ៣៤នាក់ កំពុងត្រូវពិនិត្យសុខភាពដោយក្រុមគ្រូពេទ្យ និងបន្តធ្វើចត្តាឡីស័កចំនួន ១៤ថ្ងៃនៅសណ្ឋាគារមួយក្នុងរាជធានីភ្នំពេញ។