សារព័ត៌មាន Daily Mail បានឲ្យដឹងនៅថ្ងៃនេះថា ជំងឺអេបូឡាប្រភេទថ្មីមួយ ត្រូវបានប្រកាសនៅក្នុងសាធារណរដ្ឋប្រជាធិបតេយ្យកុងហ្គោ កាលពីថ្ងៃទី១ ខែមិថុនា ឆ្នាំ២០២០។
លោក Eteni Longondo រដ្ឋមន្រ្តីសុខាភិបាលថា មនុស្ស ៤នាក់បានស្លាប់នៅក្រុង Mbandaka ភាគខាងកើតប្រទេសមួយនេះ ដែលត្រូវបានធ្វើតេស្តរកឃើញវិជ្ជមានជំងឺអេបូឡាប្រភេទថ្មី នៅក្នុងមន្ទីរពិសោធន៍ជាតិ។
លោក Tedros Adhanom Ghebreyesus ប្រធានអង្គការសុខភាពពិភពលោក បានបង្ហោះនៅលើបណ្តាញទ្វីតធើថា ការផ្ទុះនៃជំងឺថ្មីនេះ គឺជាការក្រើនរំលឹកមួយថា កូវីដ១៩ មិនមែនជាជំងឺតែមួយគត់ដែលគំរាមដល់ជីវិតមនុស្សឡើយ៕