(តាកែវ) – បុរសជាមុខសញ្ញាជួញដូរគ្រឿងញៀនម្នាក់ត្រូវសមត្ថកិច្ចស្រុកគិរីវង់ធ្វើការចាប់ខ្លួនកាលពីវេលាម៉ោងប្រមាណ២ និង៣០នាទីរំលងអធ្រាត្រឈានចូលថ្ងៃទី៨ ខែមិថុនា ឆ្នាំ២០២០នេះ ខណៈកំពុងឈរលក់គ្រឿងញៀននៅចំណុចកែងជុំមិត្ត ក្នុងភូមិពោធិ៍ខ្វិត ឃុំព្រះបាទជាន់ជុំ ស្រុកគិរីវង់។
ជនសង្ស័យត្រូវបញ្ជាក់ថា មានឈ្មោះ សែន ពិដែន ភេទប្រុស អាយុ២៦ឆ្នាំ មានទីលំនៅភូមិពោធិ៍ ឃុំព្រះបាទជាន់ ស្រុកគិរីវង់ ខេត្តតាកែវ។
ជាមួយគ្នានេះ សមត្ថកិច្ចក៏ដកហូតបានវត្ថុតាងមួយចំនួនរួមមាន គ្រឿងញៀនចំនួន០៦កញ្ចាប់តូច ថ្មសាកទូរស័ព្ទចំនួន១ និងកូនកាំបិតចុងស្រួចមួយ។
បច្ចុប្បន្នជនសង្ស័យត្រូវកម្លាំងជំនាញនាំយកទៅធ្វើការសាកសួរ និងកសាងសំណុំរឿងតាម និតិវិធីច្បាប់៕