(ភ្នំពេញ) – នាព្រឹកថ្ងៃចន្ទ ទី០៨ ខែមិថុនា ឆ្នាំ២០២០ លោក ឌី រ័ត្នខេមរុណ អភិបាលរងខណ្ឌមានជ័យ បាននាំយកអំណោយទៅចែកជូនដល់ប្រជាពលរដ្ឋក្រីក្រចំនួន ៣១៥គ្រួសារ របស់អង្គការកំណើតបំផ្លាស់បំប្រែសហគមន៍ (GCT) ស្ថិតនៅវិទ្យាល័យ ហ៊ុន សែន ចាក់អង្រែ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
លោកស្រី ជេស៊ីកាន នរោត្តម នាយិកាអង្គការកំណើតបំផ្លាស់បំប្រែសហគមន៍(GCT)បានលើកឡើងពីការបង្កើតអង្គការ ដែរលោកស្រី ជាអ្នកបន្តវេណពីម្តាយលោកស្រី ហើយអង្គការ(GCT)បានបង្កើតឡើង ក្នុងឆ្នាំ២០០៩ ប៉ុន្តែបានចាប់ផ្តើមក្នុងឆ្នាំ២០១៥ ទើបតែមានរយៈពេល ៥ឆ្នាំប៉ុណ្ណោះ ក្នុងគោលបំណងបំរើផ្នែកមនុស្សធម៌ គិតគូរពីស្ថានភាព ជីវភាពលំបាករបស់ប្រជាពលរដ្ឋ និងបង្ហាត់បង្រៀនវគ្គអប់រំ និងស្វែងរកការងារជូនប្រជាពលរដ្ឋ។
លោក ឌី រ័ត្នខេមរុណ បានសម្តែងនូវការកោតសរសើរចំពោះការចូលរួមចំណែកនូវអំណោយមនុស្សធម៌ជូនដល់ប្រជាពលរដ្ឋក្រីក្រ ដែលរងគ្រោះក្នុងអំឡុងពេលជំងឺកូវីដ-១៩របស់អង្គការកំណើតបំផ្លាស់បំប្រែសហគមន៍ (GCT) ជាមួយនឹងរដ្ឋបាលខណ្ឌមានជ័យ៕