កាលពីថ្ងៃទី១១ ខែមិថុនា ឆ្នាំ២០២០ លោក ម៉ៅ ហាវណ្ណាល់ រដ្ឋមន្រ្តី ទទួលបន្ទុក រដ្ឋលេខាធិការដ្ឋានអាកាសចរស៊ីវិល បានប្រគល់វិញ្ញាបនបត្រប្រតិបត្តិការហោះហើរ (AOC)ដល់ក្រុមហ៊ុនអាកាសចរណ៍កម្ពុជា ០១ ទៀត គឺ ក្រុមហ៊ុន Prince International Airlines ដែលមានលោកស្រី Yifei JIANG ជាប្រធានក្រុមប្រឹក្សាភិបាល។
បើតាមការបញ្ជាក់របស់រដ្ឋលេខាធិការដ្ឋានអាកាសចរស៊ីវិលថា មុននឹងឈានដល់ការប្រគល់ វិញ្ញាបនបត្រប្រតិបត្តិការហោះហើរ(AOC) ក្រុមហ៊ុនបានបំពេញនូវលក្ខខណ្ឌបច្ចេកទេស ដែលមានចំនួន០៥ ដំណាក់កាល ដែលត្រួតពិនិត្យយ៉ាងតឹងរ៉ឹងដោយមន្ត្រីជំនាញរបស់រដ្ឋលេខាធិការដ្ឋានអាកាសចរស៊ីវិលស្របតាមបទប្បញ្ញត្តិកម្ពុជា ដើម្បីធានាបាននូវប្រតិបត្តិការប្រកបដោយសុវត្ថិភាព និងអាចប្រតិបត្តិការក្នុងស្រុក និងអន្តរជាតិ។
សូមបញ្ជាក់ថា រហូតមកដល់ពេលនេះ ប្រទេសកម្ពុជាមាន ក្រុមហ៊ុនអាកាសចរណ៍ចំនួន០៧ គឺ 1- Cambodia Angkor Air, 2-Sky Angkor Airlines, 3-Bassaka Air, 4-JC (Cambodia)International Airlines, 5-Lanmei Airlines, 6-Cambodia Airways, 7- Prince International Airlines រួមទាំង ក្រុមហ៊ុន Helicopter ចំនួន០២ គឺ 1-Helicopter Cambodia និង 2-Helistar Cambodia៕