ធនាគារជាតិ នៃកម្ពុជា បានឲ្យដឹងនៅក្នុងសេចក្តីបញ្ជាក់របស់ខ្លួនចុះថ្ងៃទី២៣ ខែកក្កដា ឆ្នាំ២០២០នេះថា គិតត្រឹមចុងខែមិថុនា ឆ្នាំ២០២០ កម្ពុជាមានទុនបម្រុងអន្តរជាតិចំនួន ១៩,៥ប៊ីលានដុល្លារអាមេរិក។
ជាមួយគ្នានេះ ធនាគារជាតិក៏បានរក្សាមាសចំនួន ៣៦,៥តោនផងដែរ ដោយមាសទាំងនោះរួមមាន៖
– មាសដែលជាកេរ្តិ៍មករតក តាំងពីមុនសម័យសង្រ្គាម មានចំនួន ១២,៤តោន ដែលកំពុងរក្សាទុកនៅប្រទេសស្វីស
– មាសចំនួន ១៤,១តោន កំពុងវិនិយោគនៅធនាគារកណ្តាលអង់គ្លេស និង
– មាសចំនួន១០តោន ត្រូវបានរក្សាទុកនៅកម្ពុជា៕
