ភ្នំពេញ៖ ផ្សារទំនើប AEON ដែលវិនិយោគដោយជប៉ុន បានប្រកាសដល់អតិថិជនកាលពីពេលថ្មីៗនេះថា ចាប់ពីថ្ងៃទី០១ ខែសីហា ឆ្នាំ២០២០តទៅ ខ្លួននឹងផ្អាកការផ្គត់ផ្គង់ក្រដាសប្រាក់ដុល្លារអាមេរិកប្រភេទតូច ១ដុល្លារ, ៥ដុល្លារ, ១០ដុល្លារ សម្រាប់ការអាប់ត្រឡប់ ហើយរាល់ប្រាក់អាប់នឹងត្រូវប្រើប្រាស់ជាប្រាក់រៀលវិញ។
យ៉ាងណាក៏ដោយ ផ្សារទំនើបមួយនេះ ក៏បានបញ្ជាក់ដែរថា ខ្លួននៅតែបន្តទទួលក្រដាសប្រាក់ដុល្លារពីអតិថិជនសម្រាប់ការជាវទំនិញនៅផ្សាររបស់ខ្លួន រហូតដល់មានការជូនដំណឹងជាថ្មី៕
