ភ្នំពេញ៖រដ្ឋមន្ត្រីក្រសួងទេសចរណ៍បានឲ្យដឹងថា កាលពីថ្ងៃទី១៨ សីហា ម្សិលមិញ ដែលជាថ្ងៃទីពីរ នៃការឈប់សម្រាកជំនួសថ្ងៃចូលឆ្នាំខ្មែរ មានភ្ញៀវទេសចរទៅកម្សាន្តនៅខេត្តកំពត និងសៀមរាបច្រើនជាងគេ ។
លោក ថោង ខុន បានថ្លែងប្រាប់បណ្ដាញផ្សព្វផ្សាយថា មានភ្ញៀវទេសចរ និងប្រជាពលរដ្ឋដែលចេញទៅទស្សនាកម្សាន្តនៅទូទៅប្រទេសចំនួន ២៧៧,០៧៨នាក់ កើនឡើង ១៨.៧៥% ធៀបនឹងថ្ងៃទីមួយម្សិលមិញ ក្នុងនោះខេត្តសៀមរាប និងខេត្តកំពតមានអ្នកទៅលេងច្រើនជាងរាជធានី-ខេត្តដទៃ។ លោកថា ខេត្តសៀមរាបមានចំនួន ៤៤,៣៦៤នាក់ និងខេត្តកំពតមានចំនួន ៣៩,៩៨៣នាក់ ៕
