អន្តរជាតិ៖កាលពីថ្ងៃពុធនាយករដ្ឋមន្រ្តីថៃ ប្រយុទ្ធ ចាន់អូចា បានកោះប្រជុំមន្ត្រីយោធាជាបន្ទាន់មួយ ប្រយោជន៍ដើម្បីត្រៀមជើងការទប់ទល់ជាមួយបាតុកម្មនិស្សិត ដែលមានកំដៅកាន់តែកើនឡើង ។
កាសែតបាងកកប៉ុស្តិ៍បានផ្សាយនៅថ្ងៃព្រហស្សតិ៍ទី២០សីហានេះថា លោកបានណែនាំទីភ្នាក់ងារយោធា និងសន្តិសុខឱ្យត្រៀមសម្រាប់បាតុកម្មនិស្សិតដែលត្រូវបានគេរំពឹងថា នឹងកើនឡើងនៅខែក្រោយនៅពេលមេដឹកនាំយោធាដែលកំពុងកាន់អំណាចរូបនេះចូលនិវត្តន៍។
ជិតកន្លះខែមកនេះក្រុមបាតុកររាប់ម៉ឺននាក់ដែលភាគច្រើនជានិស្សិតបានធ្វើការតវ៉ាយ៉ាងពុះកញ្រ្ជោលនៅទីលានប្រជាធិបតេយ្យ នៃទីក្រុងបាងកកក្នុងគោលដៅបណ្ដេញរដ្ឋាភិបាលយោធារបស់ លោក ប្រាយុទ្ធ ទាមទារឲ្យមានការបង្កើតរដ្ឋធម្មនុញ្ញថ្មីដើម្បីផ្ដល់អំណាចឲ្យពលរដ្ឋតាមគោលការប្រជាធិបតេយ្យ ៕