មណ្ឌលគិរី : សមត្ថកិច្ចស្រុកអូររាំងនិយាយថា គេបានចាប់ខ្លួនបុរសម្នាក់កាលពីរសៀលថ្ងៃទី០៥កញ្ញា ពីររោងចាំចំការមួយកន្លែងដែលមានទីតាំងក្នុងភូមិអណ្ដូងក្រឡឹង ឃុំសែនមនោរម្យស្រុកអូររាំងខេត្តមណ្ឌលគិរីបន្ទាប់ពីបុរសរូបនោះបានដុតរោងចាំចម្ការអ្នកជិតខាងរបស់គាត់ ។
ជនរងគ្រោះឈ្មោះ សឿ សារ៉េត បានចោទឈ្មោះ ភាក់ ត្រា ភេទ ប្រុស អាយុ២៥ឆ្នាំ ជនជាតិខ្មែរ ថា បានដុតរោងចាំចម្ការរបស់ខ្លួនមានទំហំ០៥ម៉ែត្រx០៧ម៉ែត្រ សង់ពីឈើ ប្រក់ស័ង្កសី និងសម្ភារៈសម្រាប់ធ្វើចំការមួយចំនួនទៀត បណ្តាលអោយឆេះអស់គ្មានសល់ ។
បច្ចុប្បន្នជនសង្ស័យកំពុងត្រូវបានចាត់ការបន្តតាមនីតិវិធីនៅស្នងការដ្ឋាននគរបាលខេត្តមណ្ឌលគិរី ៕
