សៀមរាប : សាលាដំបូងខេត្តសៀមរាបកាលពីល្ងាចថ្ងៃទី ៣១ កក្កដា ម្សិលមិញ បានសម្រេចឃុំខ្លួនជនសង្ស័យ ស៊ឹង ប៊ុណ្ណា អ្នកជំនួញផ្នែកអចលនទ្រព្យល្បីឈ្មោះ ដាក់ពន្ធនាគារបណ្តោះអាសន្ន ពីបទប្រើប្រាស់អាវុធខុសច្បាប់។
យោងតាមប្រភពពីសមត្ថកិច្ចឲ្យដឹងថា ករណីបាញ់បោះសេរីនេះ បង្កឡើងដោយឈ្មោះ ស៊ឹង ប៊ុណ្ណា ភេទប្រុសអាយុ ៤៧ឆ្នាំ មុខរបរ អ្នកជំនួញ។ ដោយសារ ខឹងប្រពន្ធ ជនសង្ស័យ បានបាញ់ឡើងលើចំនួន៤ គ្រាប់ ដោយអាវុធម៉ាកK59 លេខ2249 ផលិតនៅប្រទេសរុស្ស៊ី ។ ក្រោយការបាញ់ ជនសង្ស័យបានចូលក្នុងបន្ទប់ដេកដោយកាន់កាំភ្លើងទៅជាមួយផងដែរ ។ សមត្ថកិច្ចបានប្រើពេលជិត១ថ្ងៃដើម្បីនាំខ្លួនជនសង្ស័យទៅតុលាការ ៕