ក្រសួងមហាផ្ទៃបណ្ដេញមន្ត្រី១២នាក់ចេញពីក្របខ័ណ្ឌ

ភ្នំពេញ ៖ រដ្ឋមន្ដ្រីក្រសួងមហាផ្ទៃ កាលពីពេលថ្មីៗនេះបានចេញសេចក្ដីសម្រេច ដកហូតមុខតំណែង ឋានន្ដរស័ក្តិ និងបណ្ដេញចេញពីក្របខ័ណ្ឌ ចំពោះមន្ដ្រី នគរបាលជាតិ ចំនួន ១២នាក់ នៃស្នងការដ្ឋាន នគរបាលរាជធានីភ្នំពេញ ក្រោយល្មើសវិន័យ របស់កងកម្លាំង នគរបាលជាតិ ។

តាមលោក ទូច សុឃៈ អ្នកនាំពាក្យក្រសួងមហាផ្ទៃបានប្រាប់ក្រុមអ្នករាយការណ៍ព័ត៌មានថា ការសម្រេចបណ្ដេញចេញមន្ត្រីនគរបាលទាំង១២នាក់នេះ គឺមិនមែនមក ពីពាក់ព័ន្ធបញ្ហា គ្រឿងញៀននោះទេ , ប៉ុន្តែដោយសារតែពួកគេមិន គោរពវិន័យដូចជា អវត្តមានញឹកញាប់បំផុត អវត្តមានគ្មានច្បាប់ មិនបំពេញតួនាទី ភារកិច្ចតាមមុខងារ ។ លោកថា ភាគច្រើននៃអ្នកទាំងនោះ គិតតែពីផលប្រយោជន៍ផ្ទាល់ខ្លួន៕