(ភ្នំពេញ)៖ បើតាមប្រភពពីសាលាដំបូងរាជធានីភ្នំពេញបានឲ្យដឹងថា នៅព្រឹកថ្ងៃទី ៥ ខែតុលា ឆ្នាំ ២០២០នេះ តុលាការនឹងបើកសាវនាការកាត់ទោស លោក សុវណ្ណ រិទ្ធី អតីតចាងហ្វាងសារព័ត៌មាន TVFB។
លោក សុវណ្ណ រិទ្ធី ត្រូវបានសមត្ថកិច្ចចាប់ខ្លួន កាលពីយប់ថ្ងៃទី ៧ ខែមេសា ឆ្នាំ ២០២០ នៅក្នុងបុរីពិភពថ្មី ខណ្ឌសែនសុខ រាជធានីភ្នំពេញ។ លោកត្រូវបានបញ្ជូនទៅតុលាការនៅថ្ងៃទី ៨ ខែមេសា ហើយតុលាការបានចោទប្រកាន់ និងឃុំខ្លួនពីបទ «ញុះញង់អោយមានចលាចលក្នុងសង្គម »៕