នៅពេលដែលបានមើលសេចក្តីជូនដំណឹងរបស់រដ្ឋបាលខេត្តតាកែវ ស្តីពីការផ្អាកចរាចរណ៍ចំពោះរថយន្តធុនធំតាមផ្លូវជាតិលេខ២ និងលេខ៣ ដែលចេញផ្សាយនៅរសៀលថ្ងៃម្សិលមិញ មានប្រជាពលរដ្ឋមិនតិចទេបានធ្វើការរិះគន់ចំពោះការខ្ជីខ្ជាររបស់រដ្ឋបាលសាលាខេត្ត។
ប្រជាពលរដ្ឋបានរិះគន់ថា អ្នកសរសេរលិខិតជូនដំណឹងនេះ ហាក់មិនយកចិត្តទុកដាក់ ដោយសរសេរអក្សរខុស ខ្ជះខ្ជារ ពោលគឺរៀបចំឲ្យរួចតែពីដៃ។ ចំណែកអ្នកគ្រីសលើសេចក្តីជូនដំណឹងនោះវិញ ក៏មិនពិនិត្យមើលដែរ។
យ៉ាងណាក៏ដោយ គេរំពឹងថា រដ្ឋបាលសាលាខេត្តតាកែវ នឹងពិនិត្យមើលកំហុសរបស់ខ្លួនឡើងវិញ កុំឲ្យប្រជាពលរដ្ឋរិះគន់តទៅទៀត៕