(សៀមរាប)៖ មនុស្សចំនួន៧នាក់ដែលសុទ្ធសឹងជាជនជាតិវៀតណាមបានស្លាប់ និង៥នាក់ទៀតរងរបួស នៅក្នុងហេតុការណ៍ក្រឡាប់រថយន្តនៅថ្ងៃទី៦ ខែវិច្ឆិកា ឆ្នាំ២០២០នេះ ត្រង់ចំណុចភូមិស្ពានត្នោត ឃុំស្ពានត្នោត ស្រុកជីក្រែក ខេត្តសៀមរាប។
តាមរបាយការណ៍របស់សមត្ថកិច្ច រថយន្តដែលជួបគ្រោះថ្នាក់ចរាចរណ៍នោះ ម៉ាកស្តារិច ពណ៌ទឹកប្រាក់ ពាក់ស្លាកលេខ កំពង់ចាម ២A-៨៤៦៩ បើកបរដោយ ជនជាតិខ្មែរមិនទាន់ស្គាល់អត្តសញ្ញាណ( ស្លាប់ )ដឹកអ្នកដំណើរ ជនជាតិវៀតណាម១១នាក់ ប្រុស៦នាក់ស្រី៥នាក់។
ចំពោះមូលហេតុដែលបណ្តាលឲ្យគ្រោះថ្នាក់នេះ តាមសមត្ថកិច្ចថា អាចអ្នកបើកបរស្ថិតក្នុងស្ថានភាពងងុយដេក ហើយបានបើកបរក្នុងល្បឿនលឿន៕
