(តាកែវ) – វាបានក្លាយទៅជារឿងល្បីនៅចុងឆ្នាំ២០២០នេះ ដោយក្រមុំរូបស្អាត អាយុ១៩ឆ្នាំ បានសុខចិត្តរៀបការជាមួយកម្លោះពិការជើងទាំងពីរអាយុ៣០ឆ្នាំ ក្រោយពីសាងសងស្នេហាគ្នាត្រឹមតែរយៈពេល១សប្តាហ៍។
បើតាមការរៀបរាប់របស់កូនកម្លោះឈ្មោះ ភឿន ចាន់រឹទ្ធ អាយុ៣០ឆ្នាំ រស់នៅភូមិជ្រោយស្លែង ឃុំគីរីចុងកោះ ស្រុកគីរីវង់ ខេត្តតាកែវថា រូបលោកបានពិការជើងតាំងតែពីកើតមកម្ល៉េះ ដោយសារតែលោកតែងតែឈឺមិនឈប់, ចំណែករឿងរ៉ាវដែលធ្វើឲ្យលោកល្បីនៅលើបណ្តាញសង្គម ព្រោះតែលោកជាជនពិការបានរៀបការជាមួយកូនក្រមុំដ៏ស្រស់ស្អាត អាយុ១៩ឆ្នាំ កាលពីថ្ងៃទី២៤ ខែធ្នូ កន្លងទៅនេះ លោកបានរៀបរាប់ថា រឿងរ៉ាវស្នេហារបស់លោក គឺកើតឡើងតែក្នុងរយៈពេលខ្លីប៉ុណ្ណោះ តាមរយៈការទំនាក់ទំនងគ្នាតាមទូរស័ព្ទជាមួយនារីដែលជាកូនក្រមុំឈ្មោះ ហយ មួយ អាយុ១៩ឆ្នាំរស់នៅភូមិថ្មី ឃុំត្រពាំងចកស្រុកកណ្ដាលស្ទឹង ខេត្តកណ្ដាល ជាកម្មការនីរោងចក្រ។
លោកថា លោកបានទំនាក់ទំនងសាសងស្នេហាជាមួយកូនក្រមុំតាមលេខទូរសព្ទ័ តែរយៈពេលតែមួយសប្ដាហ៏ប៉ុណ្ណោះ ស្រាប់តែកូនក្រមុំមកបង្ហាញខ្លួនដល់ផ្ទះរបស់លោក, ហើយក្រោយពីឃើញមុខមាត់គ្នា គឺពួកយើងរឹតតែស្រលាញ់គ្នាកាន់តែខ្លាំងៗឡើង និងបានឲ្យឪពុកម្ដាយទាំងសងខាងរៀបចំពិធីមង្គលកាភ្លាមៗក្នុងរយៈពេលតែមួយខែ។
សម្រាប់ភាគីខាងកូនក្រមុំវិញបាននិយាយថា រូបនាងបានស្រលាញ់គ្នាជាមួយកូនកម្លោះតាមទូរសព្ទ័ ព្រោះតែសម្តីដ៏ផ្អែមល្ហែម រួចក៏បង្ខំម្ដាយ និងអ៊ុំសុំមកផ្ទះកូនកម្លោះ ព្រោះគាត់ពិការចឹងមិនអាចមកដល់ផ្ទះនាងបាននោះទេ។ នាងបានបញ្ជាក់ថា នាងមាននិស្ស័យជាមួយប្ដីនាងដោយមិនបានគិតក្រមាន ឬពិការនោះទេ ហើយថា ក្រោយពីរៀបការរួច នាងមិនទៅធ្វើការរោងចក្រចោលប្ដីនាងទេ គឺសុខចិត្តស៊ីអត់ស៊ីឃ្លានមើលថែប្ដីរបស់នាង ព្រោះប្ដីរបស់នាងធ្វើអ្វីៗមិនកើតនោះទេ។
តាមការឲ្យដឹងពីឪពុកម្ដាយខាងកូនកំលោះបានថា គ្រាន់តែដឹងថាកូនស្រលាញ់គ្នា ពួកគាត់ចាប់ផ្ដើមរៀបចំពិធីមង្គលការតែក្នុងរយៈពេល១ខែនោះទេ ដោយរៀបចំទទួលភ្ញៀវចំនួន៦០តុ ហើយភ្ញៀវដែលបានចូលរួមគឺលើសពីការប្រៀងទុកហើយចំណងដៃលោកទទួលបាន គឺជិត២០លានរៀលឯណោះ៕