ព្រះសីហនុ – មនុស្សចំនួន ៣ នាក់ ដែលក្នុងនោះមានស្រ្តីម្នាក់ផង ត្រូវសមត្ថកិច្ចធ្វើការឃាត់ខ្លួនកាលពីយប់ថ្ងៃទី១៩ ខែមករា ឆ្នាំ២០២១ បន្ទាប់ពីរកឃើញគ្រឿងញៀនជាច្រើនកញ្ចប់។
លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុឲ្យដឹងថា នៅយប់ថ្ងៃទី ១៩ ខែ មករា ឆ្នាំ ២០២១ កម្លាំងជំនាញនៃអធិការដ្ឋាននគរបាលក្រុងព្រះសីហនុបានឃាត់ខ្លួនជនសង្ស័យចំនួន០៣នាក់ ពាក់ពន្ធ័បទល្មើសគ្រឿងញៀននៅក្រុម ១៩ ភូមិ ៤ សង្កាត់លេខ ៤ ក្រុង/ខេត្តព្រះសីហនុ ។
ក្នុងនោះ ជនសង្ស័យទី១ ឈ្មោះ ធី រ៉ាវីត ភេទប្រុស មានមុខរបរមិនពិតប្រាកដ របស់នៅក្រុម ១៩ ភូមិ ៤ សង្កាត់ ៤ ក្រុង/ខេត្តព្រះសីហនុ, ទី២ ឈ្មោះ ធី រ៉ាវុធ ភេទប្រុស មុខរបរមិនពិតប្រាកដ រស់នៅក្រុម ១៩ ភូមិ ៤ សង្កាត់ ៤ ក្រុង/ខេត្តព្រះសីហនុ និងទី៣ ឈ្មោះ ម៉ា ស្រស់ ភេទស្រី មុខរបរខារ៉ាអូខេ មានទីលំនៅក្រុម ១៩ ភូមិ ៤ សង្កាត់ ៤ ក្រុង/ខេត្តព្រះសីហនុ ។
ចំណែកវត្ថុតាងដែលដកហូតបានរួមមាន ៖ ម្សៅក្រាមព៌ណសថ្លា សង្ស័យសារធាតុញៀន ៤១ កញ្ចប់ធំ, ជញ្ជីងសម្រាប់ថ្លឹងគ្រឿងញៀន ចំនួន ០១ គ្រឿង-ថង់វិចខ្ចប់ មួយចំនួន។
បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាននគរបាលក្រុងព្រះសីហនុ ដេីម្បីធ្វេីការសាកសួរ និង ចាត់ការតាមផ្លូវច្បាប់៕
