ព្រះសីហនុ៖ កម្លាំងជំនាញនៃអធិការដ្ឋាននគរបាលក្រុងព្រះសីហនុ កាលពីយប់ថ្ងៃទី៤ ខែកុម្ភៈ ឆ្នាំ២០២១ បានឃាត់ខ្លួនជនសង្ស័យចំនួន០១នាក់ ពាក់ពន្ធ័ករណីគ្រឿងញៀន ស្ថិតនៅក្រុម១៧ ភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ ។
សមត្ថកិច្ចបានឲ្យដឹងថាជនសង្ស័យមានឈ្មោះ វ៉ាន់ ស៉ីង ភេទប្រុស ឆ្នាំកំណេីត២០០៣ ជនជាតិ ខ្មែរ មុខរបរមិនពិតប្រាកដ ទីលំនៅបច្ចុប្បន្នមិនពិតប្រាកដ មានស្រុកកំណេីតនៅស្រុកសំពៅមាស ខេត្តពោធិសាត់។
នៅក្នុងប្រតិបត្តិការខាងលើ សមត្ថកិច្ចបានដកហូតវត្ថុតាងរួមមាន៖ ម្សៅក្រាមព៌ណសថ្លា សង្ស័យសារធាតុញៀនចំនួន ៦កញ្ចប់។
បច្ចុប្បន្នជនសង្ស័យ ត្រូវបានសមត្ថកិច្ចកំពុងចាត់បន្តតាមនិតិវិធីច្បាប់៕
ដោយ នាគសមុទ្រ
