បើគិតចាប់តាំងពីដើមខែធ្នូ រហូតមកដល់ពាក់កណ្តាលខែកុម្ភៈ ឆ្នាំ២០២១នេះ ឃើញថា តម្លៃប្រេងសាំងនៅកម្ពុជាបានហក់ឡើងជាបន្តបន្ទាប់ ហើយសម្រាប់ការលក់ពីថ្ងៃទី១៦ ដល់ថ្ងៃទី២៨ ខែកុម្ភៈ គឺប្រេងសាំងមានតម្លៃ ៣៥០០រៀលក្នុងមួយលីត្រ ខណៈប្រេងម៉ាស៊ូតតម្លៃ ៣២០០រៀលក្នុងមួយលីត្រ។
ក្រសួងពាណិជ្ជកម្មបានលើកឡើងក្នុងសេចក្តីជូនដំណឹងរបស់ខ្លួនថា ខ្លួនមិនមែនជាអ្នកកំណត់ថ្លៃលក់រាយប្រេងឥន្ធនៈនៅកម្ពុជាទេ គឺក្រសួងគ្រាន់តែស្រង់តម្លៃឡើង-ចុះ នៃប្រេងតាមទីផ្សារអន្តរជាតិមកគណនាតាមប្រកាសដូចមានក្នុងឯកសារប៉ុណ្ណោះ។
