នៅថ្ងៃនេះ ក្រសួងអប់រំ យុវជន និងកីឡា បានចេញសេចក្តីជូនដំណឹង ដោយបន្តផ្អាកដំណើរការគ្រឹះស្ថានសិក្សាសាធារណៈ និងឯកជន នៅរាជធានីភ្នំពេញ ខេត្តកណ្តាល និងក្រុងព្រះសីហនុ រហូតដល់ចប់ព្រឹត្តិការណ៍សហគមន៍ ២០កុម្ភៈ។
ការបន្តផ្អាកនេះ ត្រូវក្រសួងបញ្ជាក់ថា ដោយសារតែស្ថានភាព នៃការចម្លងក្នុងសហគមន៍ នៅក្នុងព្រឹត្តិការណ៍សហគមន៍ ២០កុម្ភៈ មិនទាន់ធូរស្រាល។
យ៉ាងណាក៏ដោយ ក្រសួងអប់រំ បានស្នើដល់គ្រឹះស្ថានសិក្សាទាំងអស់ ត្រូវបន្តដំណើរការបង្រៀន និងរៀនតាមប្រព័ន្ធអេឡិចត្រូនិក។
បើតាមប្រកាសរបស់ក្រសួងសុខាភិបាល មកទល់ពេលនេះ គេបានរកឃើញមនុស្សចំនួន ៤០២នាក់ហើយ ដែលជាអ្នកឆ្លងវីរុសកូវីដ១៩ ក្នុងព្រឹត្តិការណ៍សហគមន៍ ២០កុម្ភៈ ហើយមានទីតាំងរាប់សិបទៀតត្រូវបានអាជ្ញាធរបិទជាបណ្តោះអាសន្ន៕