បុរសជាសន្តិសុខនៅសណ្ឋាគារសុខា ដែលបានជួយឲ្យស្រ្តីជនជាតិចិន៤នាក់ចាកចេញពីកន្លែងធ្វើចត្តាឡីស័ក បង្កឲ្យកើតមាននូវការចម្លងវីរុសកូវីដ១៩ ក្នុងសហគមន៍នៅកម្ពុជា ត្រូវបានសមត្ថកិច្ចបញ្ជូនទៅកាន់អគ្គស្នងការនគរបាលជាតិ ក្រោយពីបញ្ចប់ការធ្វើចត្តាឡីស័ករយៈពេល១៤ថ្ងៃ។
បុរសសន្តិសុខរូបនោះត្រូវបានបញ្ជាក់ថា មានឈ្មោះ រ៉ែន សុធារ៉ា អាយុ៣៨ ឆ្នាំ មុខរបរ សន្តិសុខសណ្ឋាគារសុខា ។
សូមបញ្ជាក់ថា កាលពីពាក់កណ្តាលខែកុម្ភៈ កន្លងទៅ សន្តិសុខ២នាក់ នៅសណ្ឋាគារសុខាបានជួយសម្រលសម្រួលឲ្យមានការចាកចេញពីមណ្ឌលចត្តាឡីស័ក នូវជនជាតិចិន ៤ នាក់ ដែលក្រោយមកស្ត្រីជនជាតិចិននោះ ត្រូវបានរកឃើញមានកូវិដ ១៩ ដែលនាំមឲ្យកើតមានព្រឹត្តិការណ៍សហគមន៍២០កុម្ភៈ មានអ្នកឆ្លងជំងឺកូវីដ១៩ រហូតដល់ជាង ៤០០ នាក់គិតត្រឹមថ្ងៃទី ៥ ខែមីនានេះ ។
សមត្ថកិច្ចពាក់ព័ន្ធបានអះអាងថា សន្តិសុខរូបនេះអាចប្រឈមនឹងការពិន័យ ខណៈអ្នកជំនាញច្បាប់និងមន្ត្រីជំនាញនៃក្រសួងសុខាភិបាល កំពុងពិភាក្សានិងវាយតម្លៃលើទោសទណ្ឌតាមអនុក្រឹត្យថ្មីរបស់រដ្ឋាភិបាល ៕
