ឧត្តរមានជ័យ – មន្រ្តីក្រសួងធនធានទឹក និងឧតុនិយមបានឲ្យដឹងថា ល្ងាចថៃ្ងទី៧ ខែមីនា ឆ្នាំ២០២១ ភ្លៀងធ្លាក់លាយឡំ និងខ្យល់កន្រ្តាក់ បានបំផ្លាញផ្ទះប្រជាពលរដ្ឋចំនួន ២៧ខ្នង ស្ថិតនៅបុស្បូវត្របែក និងភ្លង់ថ្មី សង្កាត់បុស្បូវ ក្រុងសំរោង ខេត្តឧត្តរមានជ័យ។
បើតាមការជូនដំណឹងរបស់ក្រសួងធនធានទឹក និងឧតុនិយមកាលពីសប្តាហ៍មុនបានឲ្យដឹងថា ពេលនេះកម្ពុជាកំពុងស្ថិតនៅក្នុងស្ថានភាពកម្រិតសម្ពាធទាបខ្សោយ ជាមួយនឹងបម្រែបម្រួល នៃទិសខ្យល់ ដែលវាគឺជាអន្តកាលពីរដូវរំហើយ មករដូវប្រាំង ដែលអាចបង្កឲ្យមានជាបាតុភូតកំណកក្នុងបរិយាកាសនៅតាមតំបន់មួយចំនួន។ ស្ថានភាពបែបនេះ នឹងធ្វើឲ្យតំបន់ខ្លះមានភ្លៀងធ្លាក់ និងបាតុភូតខ្យល់កន្រ្តាក់៕
