ម្សិលមិញ​ឃាត់ខ្លួន១២៥នាក់ ពាក់ព័ន្ធសំណុំរឿងគ្រឿងញៀន និងព្រហ្មទណ្ឌ​

ភ្នំពេញ ៖ មន្ត្រីនាំពាក្យក្រសួងមហាផ្ទៃ បានប្រាប់ក្រុមអ្នក​រាយការណ៍ព័ត៌មាន នាព្រឹកថ្ងៃទី១២ មីនា នេះថា យ៉ាងហោចណាស់មនុស្ស​១២៥នាក់​ ត្រូវបានសមត្ថកិច្ចឃាត់ខ្លួនកាលពី​ថ្ងៃទី១១ មីនា ម្សិលមិញ នៅក្នុងសំណុំរឿង គ្រឿងញៀន និងព្រហ្មទណ្ឌ ។​

លោក ខៀវ សុភ័គ បានបញ្ជាក់បន្ថែមថា ក្នុងចំណោមជនសង្ស័យទាំងនោះ មាន៤៥នាក់ ត្រូវបានឃាត់ខ្លួននៅក្នុងបទល្មើសព្រហ្មទណ្ឌ១២ករណី និងជនសង្ស័យ៨០នាក់ទៀត ត្រូវបានឃាត់ខ្លួន ក្នុងបទល្មើសគ្រឿងញៀន ១៤ករណី ៕