ភ្នំពេញ — ក្រសួងអប់រំ យុវជន និងកីឡា នៅថ្ងៃនេះ បានសម្រេចធ្វើការផ្អាកថ្នាក់រៀនចំនួន១៥ នៃវិទ្យាល័យចំនួន៥ ក្នុងរាជធានីភ្នំពេញ ក្រោយរកឃើញមានពាក់ព័ន្ធនឹងករណីជំងឺកូវីដ១៩។
ថ្នាក់រៀនទាំង១៥ នៃវិទ្យាល័យហ៊ុនសែនពញាពន់, វិទ្យាល័យបឹងប្រិយ៍, វិទ្យាល័យបឹងធំ, វិទ្យាល័យវត្តភ្នំ និងវិទ្យាល័យវត្តកោះ ត្រូវក្រសួងកំណត់ឲ្យផ្អាកជាបណ្តោះអាសន្នចំនួន ១៤ថ្ងៃ ហើយអ្នកពាក់ព័ន្ធផ្ទាល់ត្រូវធ្វើចត្តាឡីស័ក។
ជាមួយគ្នានេះ ចំពោះថ្នាក់ដទៃ ត្រូវបន្តដំណើរការជាធម្មតា ប៉ុន្តែត្រូវ រឹតត្បិតការចេញលេង និងបន្តពាក់ម៉ាស់ និងលាងដៃជាប្រចាំ, មិនអនុញ្ញាតឲ្យមានការទាក់ទង ពីសិស្សថ្នាក់មួយ ទៅថ្នាក់មួយទៀត និង មិនអនុញ្ញាតឲ្យមានការជួបជុំ ឬប្រជុំ ក្រៅពីការសិក្សាក្នុងសាលារៀន។
