ភ្នំពេញ — ដោយយោងទៅលើសេចក្តីជូនដំណឹងរបស់ក្រសួងអប់រំ យុវជន និងកីឡា ក្នុងការផ្អាកការលេងកីឡា ឬការហាត់ប្រាណគ្រប់ប្រភេទ ដែលមានលក្ខណៈប្រមូលផ្តុំនៅតាមទីតាំងកីឡដ្ឋានសាធារណៈ និងឯកជនជាបណ្តោះអាសន្ននោះ គណៈកម្មការគ្របគ្រងពហុកីឡដ្ឋានជាតិអូឡាំពិក ក៏បានកំណត់បិទពហុកីឡដ្ឋានមួយនេះ មិនឲ្យមានការចូលទៅហាត់ប្រាណចាប់ពីថ្ងៃទី១០ ខែមេសា តទៅ។
គួរបញ្ជាក់ថា កាលពីថ្ងៃទី៧ ខែមេសា ក្រសួងអប់រំ យុវជន និងកីឡា បានចេញលិខិតមួយ ដោយស្នើទៅដល់អាជ្ញាធររាជធានីខេត្តទាំងអស់ ក្នុងការផ្អាកការលេងកីឡា ឬការហាត់ប្រមាណគ្រប់ប្រភេទដែលមានលក្ខណៈប្រមូលផ្តុំ នៅតាមទីតាំងកីឡដ្ឋានសាធារណៈ និងឯកជនជាបណ្តោះអាសន្ន។ ការស្នើឲ្យផ្អាកការលេងកីឡា ឬហាត់ប្រមាណដែលមានលក្ខណៈប្រមូលផ្តុំនេះ គឺក្នុងស្មារតីបង្កើនការចូលរួមបង្ការ និងទប់ស្កាត់ការរីករាលដាល នៃជំងឺកូវីដ១៩៕