(ភ្នំពេញ)៖ នៅព្រឹកថ្ងៃទី៨ ខែតុលា ឆ្នាំ២០២០នេះ ក្រសួងសុខាភិបាល បានប្រកាសថា គេបានរកឃើញករណីវិជ្ជមានជំងឺកូវីដ១៩ថ្មី ចំនួន ១ករណី ទៅលើបុរសជនជាតិឥណ្ឌូនេស៊ី។
បុរសជនជាតិឥណ្ឌូណេស៊ីនោះ អាយុ ២៦ ឆ្នាំ មានអាសយដ្ឋានស្នាក់នៅសណ្ឋាគារមួយក្នុងក្រុងព្រះសីហនុ ខេត្តព្រះសីហនុ។
គាត់ជាអ្នកធ្វើដំណើរ មកពីប្រទេសឥណ្ឌូណេស៊ី និងបានបន្តជើងហោះហើរនៅប្រទេសសាំងហ្គាពួ រួចមកដល់កម្ពុជានៅថ្ងៃទី ០៦ ខែតុលាឆ្នាំ ២០២០។
បច្ចុប្បន្នអ្នកជំងឺត្រូវបាន ដាក់ឲ្យ សម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។
សូមបញ្ជាក់ផងដែរថា រហូតមកដល់ពេលនេះ ក្រសួងសុខាភិបាល បានរកឃើញអ្នកឆ្លងវីរុសកូវី១៩សរុប ២៨១ករណី ក្នុងនោះអ្នកជំងឺ២៧៦ បានជាសះស្បើយ៕
