ទោះបីទឹកជំនន់លេចផ្លូវក្ដី ក៍គ្រោះថ្នាក់ចរាចរណ៍មិនថមថយដែរ ! ម្សិលមិញស្លាប់៥នាក់ របួស១២នាក់

ភ្នំពេញ៖ បើទោះបីទឹកជំនន់បណ្ដាឲ្យផ្លូវជាតិ និងផ្លូវតូចៗជាច្រើនរងការលិចលង់ក្ដី ក៍គ្រោះថ្នាក់ចរាចរណ៍មិនថមថយដែរ ។ គ្រាន់តែមួយថ្ងៃប៉ុណ្ណោះគឺកាលពីថ្ងៃទី១៣តុលាម្សិលមិញ គ្រោះថ្នាក់ចរាចរណ៍បានឆក់ឱកាសសម្លាប់មនុស្សនៅទូទាំងប្រទេសយ៉ាងហោចណាស់៥នាក់ និងធ្វើឲ្យរបួស១២នាក់ ។ នេះបើយោងតាមរបាយការណ៍ ដែលចេញដោយអគ្គស្នងការដ្ឋាននគរបាលជាតិ ។

ផ្អែកតាមរបាយការណ៍ថា មូលហេតុដែលបណ្ដាលឲ្យកើត មានគ្រោះថ្នាក់ចរាចរណ៍ទាំងនោះគឺបណ្ដាលមកពី៖ ល្បឿន បត់មិនប្រយ័ត្ន ស្រវឹង ប្រជែង និងមិនគោរពសិទ្ធិ ៕